UDIN LAHAB

Pada suatu hakhi, ada saukhang tatangga si Udin mangadakan pesta pada malam hakhi, tapi tatangganya enen lupa pulak mangundang si Udin. Si Udin tokhus manunggu dan  manunggu datangnya undangan kasia, tapi indak jua datang undangan. Dalam hati, si Udin bapikekh, mangapa pulak tatanggaku yang ika indak mangundangku ka pestanya? kukhasa ia lupa mangundangku.

 

Kamudian, kakhena nampaknya pesta enen sudah dimulai, si Udin pun lalu mangambek salombakh kokhtas, lalu malipatnya, kamudian dimasokkannya kadalam sabuah amplop. Indak bakhapa lambat kamudian ia pun poi katompat pesta tatangganya enen.

 

"Aku mampunyai sabuah sukhat ponting buat tuan khumah", disobut si Udin ka salah satu pambantu yang ada di mukak pintu di pesta enen. Kamudian si pambantu enen mambawak si Udin kasabuah khuangan yang bosakh. Di khuangan enen samua undangan sodang basantap, makan malam. Lalu si Udin mangasikan amplop yang dibawaknya tain ka tatangganya yang punya pesta. Sasudah mangasikan amplop tain, ia pun langsung dudok dan mangisi mulutnya dengan makanan yang ada di meja.

 

Tatangganya enen lalu mambuka amplop dan manengok isinya, tapi indak ada apapun didalam amplop yang dipegangnya. Kamudian ia batanyak ka si Udin : "Botul jake kolok sukhat ika buatku? Alamat sukhatnya pun indak ada."

 

"Alamak jang, kukhasa pun didalam amplop enen indak ada isi sukhatnya, kakhena ondak copat-copat, jadi talupa." Enlah jawapan si Udin.

 

Yang namanya si Udin, kolok pasal makan, nomokh satu. Kolok ada pesta, diusahakannya supaya bisa datang walaupun indak dapat undangan. Botullah Udin lahab.